لستة اسر فراعنة مصر
الاسر المصريه القديمه فى مصر القديمه كانت تلاتين اسره. اللى قام بتقسيم الاسر المصرية لثلاتين اسره كان المؤرخ المصرى مانيتون كاهن هيليوبوليس اللى كتب تاريخ فراعنة مصر على امتداد عشرين قرن باللغة اليونانية و نقل اسماء الفراعنه اللى حكموا مصر من على جدران المعابد بطلب من بطليموس التانى تانى ملوك العصر البطلمى . لمصر اقدم تاريخ مدون فى العالم، و ينقسم التاريخ المصرى القديم لعصرين: عصر ما قبل التاريخ والعصر التاريخى الثانى. فى عصر ما قبل التاريخ ابتدا إستقرار المصرى الاول فى وادى النيل (حوالى 6000 ق.م) لما عرفت الزراعة، واستانست الحيوانات، واستقر المصرى فى مجتمعات صغيره متعاونه، فآدى ده لتقدم مدنيته و تكونت فى مصر دولتين واحده فى الدلتا و التانيه فى الصعيد. اتحدت الدولتين حوالى سنة 3100 ق.م. تحت سلطه مركزيه برياسة الفرعون و كان ده بفضل (مينا) اللى اتعرف بـ "موحد القطرين". فى العصر التاريخى التانى اتعرفت الكتابه و تبلورت مظاهر الدين و الفن فى مصر، و ينقسم العصر التاريخي ل 30 اسره ملكيه و ثلاثة دول، مصر عاشت فى عصورها بحكومه مر...